|
Gose greba mugagabea
hasiko dute etzi Nafarroako suhiltzaileek
Berria, 2004ko
ekainaren 2a.
Atzo
goizean batzarra egin zuten Nafarroako suhiltzaileek Iruñeko Aralar parkean,
eta ostiralean gose greba mugagabea abiatzea erabaki zuten. Lan baldintzak
hobetuko dituen lan hitzarmen bat sinatzeko eskatu zioten Nafarroako
Gobernuari.
Nafarroako suhiltzaileen partzuergoko langile guztiek eginen dute baraua,
baita zerbitzua ematen dutenek ere. Guztira, 340 suhiltzaile dira. Victor
Rubio langileen ordezkariak adierazi zuenez, «Nafarroan ez da suhiltzailerik
egonen astelehenetik aurrera, ordurako akituak egonen garelako». Rubiok
argudiatu zuenez, baraualdiarekin «negoziazioa ukatu» egiten zaiela azaldu
nahi dute. Gainera, Gobernuari ohartarazi nahi diote asteburura arteko
denbora duela «mahaian jarri eta elkarrizketak berriro hasteko». Aralar
parkeko egoitzan itxialdia egiten jarraituko dutela ere erabaki zuten
batzarrean suhiltzaileek. Herenegun parkean izandako istiluetan hiru
suhiltzaile zauritu zirela salatu zuten, eta Gobernuaren «agintekeria»
gaitzetsi zuten. Baraualdiaz gain, egunero Parlamentuaren aurrean txandaka
elkarretaratzeak eginen dituztela iragarri zuten. Suhiltzaileek Parlamentuko
alderdien «bitar-tekaritza» eskatu zuten lan gatazka bideratzeko eta
negoziazioei berriro ekiteko.
VOLVER |
