|
Nafarroako
suhiltzaileek lanuzte partzial gehiago egitera deitu dute
Berria, 2004 ko
maiatzaren 12a.
Lan ateraldiak egiten
dituztenean Poliziak jarraitzen diela salatu dute
Nafarroako suhiltzaileek lanuzte gehiago egitera deitu dute. Maiatzaren 24an
hasi eta ekainaren 6a arte iraunen du greba berriak. Suhiltzaileen
partzuergoaren izenean, Alfredo Ruiz Galarretak Gobernuari «bide onetik
zihoazen negoziazioak gaiztotu izana» egotzi zion.
Suhiltzaileek maiatzaren 17an bukatzekoak zituzten joan den astelehenean
hasi zituzten lanuzte partzialak, baina Gobernuaren «negoziatzeko borondate
eskasa» ikusirik, greba luzatu eginen dute. «Greba bertan behera uzteko
Gobernuaren keinu baten zain geunden, baina Javier Caballero Barne sailburua
sartu da eta giroa gaiztotu du», kritikatu zuen.Halaber, gose greba hasteko
aukera aztertzen ari direla adierazi zuen atzo Ruiz Galarretak. «Gobernuari
ez zaio gustatzen sindikatu guztiak bat-eginik aldarrikapenak egitea, baina
langileen eskubidea da greba egitea», esan zuen. Ildo honetatik,
Legebiltzarreko taldeei «suhiltzaileek grebarako duten eskubidea
defendatzeko» eskatu zien. Bestalde, greba hasi zenetik suhiltzaileek egiten
dituzten lan ateraldietan Poliziak jarraitzen diela salatu zuen Ruiz
Galarretak. «Ostiralean Iruńeko Urdax Monastegiko etxe bateko sua itzaltzera
gindoazela Poliziak gelditu gintuen. Gure bidean gurutzatu ziren eta lanera
gindoazela argitu behar izan genien», azaldu zuen.
VOLVER |
