|
Foru Poliziak indarrez atera ditu suhiltzaileak
Parketik
Istiluetan hainbat suhiltzaile kolpatu eta zauritu zituzten poliziek
Gara, 2004ko ekainaren
1a.
Suhiltzaileen Parkeko
bulegoetan itxialdia egiten ari ziren 200 bat suhiltzaile indarrez ateratzen
saiatu zen atzo Foru Polizia, eta istiluak gertatu ziren atzo goiz zein
arratsaldez. Polizia oldartu egin zitzaien suhiltzaileei, eta zauritutakoak
ere izan ziren. Hiru aste daramate greban Nafarroako suhiltzaileek, soldata
igoera eta prestakuntza eskatzeko.
7.00etan sartu ziren suhiltzaileak Iruńeko
Suhiltzaileen Parkera, ostirala arte bertan itxialdia egiteko asmoz. 12.00ak
aldera, Foru Polizia bertan sartu zen.
Enpresa
batzordeko kide batek GARAri kontatutakoaren arabera, orduan 200 bat
suhiltzaile zeuden bulegoetan sartuta, eta Polizia indarrez ateratzen saiatu
zen. Tentsiouneak izan ziren, eta suhiltzaileak presio mahukarekin saiatu
ziren poliziakideak uxatzen. «Guk erresistentzia pasiboa egin dugu, baina
poliziakideak bortxaz aritu dira», adierazi zuen.
Tirabira
une batzuen ondoren, poliziakideekin indarka ibili ziren eta hainbat
suhiltzaile zauritu zituzten, kolpeekin. Haietako bat zorabiatu egin zen eta
Parkean bertan anbulantzia batean artatu zuten.
Egoera
okertzera zihoala ikusita, suhiltzaileek berek bulegoetatik ateratzea
erabaki zuten eta Poliziak 13.00ak aldera alde egin zuen.
Arratsaldean, ordea, Polizia itzuli egin zen eta teilatura igo ziren 50 bat
suhiltzaile bertatik jaisten saiatu zen. Enpresa batzordeko kideak egunkari
honi kontatu zionez, poliziakideak gela eta txoko guztietara sartzen saiatu
ziren, teilatura igo ahal izateko, eta horretarako mazoak erabili zituzten
itxita zeuden ateak irekitzeko. Lanean ari ziren suhiltzaileak hori ekiditen
saiatu ziren eta poliziakideek borraz kolpatu egin zituztela salatu zuten.
Arratsaldeko azken orduan, teilatuan jarraitzen zuten eta Foru poliziakideek
teilaturako sarrera itxita zuten. Haietako batek teilatuetako batean zegoen
ikurrina bat kendu zuen.
Nafarroako
suhiltzaileek 3 aste daramatzate greban, soldata igoera eta prestakuntza
hobea eskatzeko. Ostiralera arte itxialdian egoteko asmoa dute, baina horrek
ez dio zerbitzuari eragingo, lanean ez daudenek egingo baitute.
ELAk
salatu egin zuen gertatutakoa, eta Caballero sailburuak lan gatazka bat
ordena publikoko arazo bat bihurtu nahi duela esan zuen. LABek ere gogor
salatu zuen Poliziaren karga, eta Nafarroako Gobernuari suhiltzaileen
eskaerei «arduraz» erantzuteko eskatu zion.
Nafarroako Salbamendu
Zerbitzuko presidente Juan Ramon Rabadek gaitzetsi egin zuen suhiltzaileen
jarrera, eta «lan egiteko eskubide konstituzionalaren aurkako erasotzat» jo
zuen bulegoetan sartu izana.
VOLVER |
